KIHENDRA NYERAH KANU TAQDIRNA

“KIHENDRA NYERAH KANU TAQDIRNA”

dinten ieu,

dinu kaping anu sami,

pernahna

30 tahun anu parantos kalangkung.

akang ngejat tipayuneun salira,

inggis kubisi-rempan kusugan,

ayana akang dipilemburan,

tiasa ngaruntagkeun panggung katresna hidep sareng anjeunna.

keur anjeun,

soksanaos  teutiasa kapimilik,

akang ridho ditalikung kukapeurih,

cukleuk leuweung-cukleuk lamping,

jauh kasintung kalapa,

sumujud dinu pangersana Panggeran,

bari teuweleh ngeukeuweuk poto salira anu nganhiji-hijina.

keur anjeun,

soksanaos ayeuna tos dipacok ku batur,

akang ikhlas ngaraoskeun kumaha beuratna hirup di pangumbaraan,

cukleuk leuweung-cukleuk lamping,

jauh kasintung kalapa,

sumerah dina qodarna anu maha kawasa,

bari teuweleh ngusapan poto salira anu nganhiji-hijina.

pait peuheurna alam pangumbaraan,

lalaunan tiasa ngicalkeun kalangkang raray salira,

sabab kalintang dosana akang,

saupami keukeuh peuteukeuh nyawang salira,

anu parantos di halalkeun ku Gusti kangge carogena.

dihandapeun langit anu nuju ngabudalkeun cai hujan,

diantara awak anu rancutcut tur kabulusan,

akang lumampah mapay-mapay jalan anu pinuh ku cileuncang,

bari nyarios kalayan pasrah;

Geulis…

wilujeng nyorang rasa kabagja, bageur…

tidanget ieu dugi ka akang pinanggih sareng adzalna,

deudeuh akang,

cinta akang,

duriat akang kasalira,

bakal dipalidkeun salalamnina….