Asa cik keneh,
Anjeun nyarita bari reumbay ku cimata.
Anjeun nyarita bari reumbay ku cimata.
Nyangsaya
naluhureun dada,Bari nganaha-naha,
Kunaon kuring bet tega,
Ningalkeun rasa deudeuh salira.
emh...
Asa cik keneh,
Anjeun nyeggruk na ieu rangkulan.
Anjeun nyeggruk na ieu rangkulan.
Nagkeup pageuh embung lesot,
Nepikeun ka dada akang
jibrug ku cai soca salira.
Geulis,
Jungjunan buah hate kadeudeuh akang,
Hampura akangteh bageur....
Sok sanaos akang teu tega ningalkeun salira,
Nanging dalah kedah dikumaha,
Da geuning parantos kieu kedahna.
Salakuning hirup nu janten anak,
Hidep moal bisa mulang tarima ka indung bapa,
Iwal ti tumut kanu naon-naon anu janten kapalayna...
Urang pegatkeun ieu rasa duriat,
Urang teukteukkan ieu rasa kadeudeuh,
Sangkan ridho indung bapa salira,
Ngulem ridho tinu maha kawasa kanggo salira.
Sanes akang ngaruntuhkeun kasatiaan,
Sanes akang mutuskeun tali kasajatian,
Nanging hidep kedah sumujud,
Tumut kanu janten kapalay sepuh salira...
Jungjunan buah hate kadeudeuh akang,
Hampura akangteh bageur....
Sok sanaos akang teu tega ningalkeun salira,
Nanging dalah kedah dikumaha,
Da geuning parantos kieu kedahna.
Salakuning hirup nu janten anak,
Hidep moal bisa mulang tarima ka indung bapa,
Iwal ti tumut kanu naon-naon anu janten kapalayna...
Urang pegatkeun ieu rasa duriat,
Urang teukteukkan ieu rasa kadeudeuh,
Sangkan ridho indung bapa salira,
Ngulem ridho tinu maha kawasa kanggo salira.
Sanes akang ngaruntuhkeun kasatiaan,
Sanes akang mutuskeun tali kasajatian,
Nanging hidep kedah sumujud,
Tumut kanu janten kapalay sepuh salira...
Pileuleuyan geulis,
Sapu nyere pegat simpay,
Paturay akang hamo nepangan salira deui,
Sapu nyere pegat simpay,
Paturay akang hamo nepangan salira deui,
Geura tampi calon caroge
salira,
Anu sapantar sareng
kahirupan kulawargi salira.
Da akangmah gaduh rumasa,
Hirup ripuh – ragap taya,
Tong bujeng ngarawat salira,
Dalah ngarawat diri nyalira
oge dugi kasakieu sesahna.
Asa cik keneh,
Anjeun nangtung bari gugupay,
Ngaleupaskeun akang anu ngagagandong rangsel kuleuheu,
Seja lumampah ningalkeun kalangkang urang duaan...
Asa cik keneh,
Anjeun nangtung bari gugupay,
Ngaleupaskeun akang anu ngagagandong rangsel kuleuheu,
Seja lumampah ningalkeun kalangkang urang duaan...
Emh...
Asa cik keneh,
Akang ngusap ieu cimata,
Bari lumampah ningalkeun
pilemburan,
Anu ngaguratkeun carita
deudeuh akang jeung anjeun.
Ayeuna,
Di handapeun bulan anu teu bengras cahayana,
Di luhureun kuburan salira,
Akang reumbay ku cimata,
Di handapeun bulan anu teu bengras cahayana,
Di luhureun kuburan salira,
Akang reumbay ku cimata,
bari ngucapkeun kalimah
pasrah.....
“Innalillahi wainnaillahi
rojiun...”
Geura kulem masing tibra
geulis,
Ti danget ieu dugi ka akang
maot,
Akang moal ningali deui
kalangkang diri salira.
Tidak ada komentar:
Posting Komentar