Mun
teusalahmah haritateh malem juma’ah kliwon, pernahna
basa kuring di titah kunu
jadi bapa neang cai ka sawah paniis. Soksanajan ngarasa hoream jeung sieun oge,
dalah ngawulaan panitah anu jadi bapa, akhirna kuring lumampah, turun ti imah
muru kahiji tempat, dijajapkeun kusora ragegna anjing jalu anu parebut bikang.
Disatengahing
perjalanan kuring ngarandeg sakeudeung, soalna kira-kira saratus meter
kahareup, kuring bakal ngaliwatan hiji tangkal buah anu sanget, ceuk bejamah
cenah eta tangkal buahteh loba jurigan. Dalamun aya jalan salain ti jalan anu
ieu, tinangtu kuringteh moal ngaliwat kapalebah dieu. Ceuk kuring bari
jajampean sabisa-bisa, tuluy leumpang nuju kapalebah tangkal anu sanget eta.
Na
ari barang ngaliwat kapalebah eta tangkal, ujug-ujug lol weh aya sirah anu
kaluar tinu jero eta tangkal. Atuh kuring ngarandeg bari jeung ngadegdeg
kusabab sieun, bari pokteh ceuk kuring kajelema anu euweuh awakan eta, “ulah
nyingsieunan atuh bapak, da abdi kumawantun ngalangkung katempat ieuteh
kulantaran ajrih kanu parentah anu janten bapa” ceuk kuring ngawani-wani maneh.
Ngadenge
kuring ngomong kitu eta jurigteh ngajawab bari seuri, “iih, lain rek
nyingsieunan kuringmah jang hendra, nembongan soteh rek talatah ka hidep” ceuk
manehna bari mureleng ka kuring. “bade talatah naon bapa?” tanya kuring ngarasa
kagok asong. “engke lamun hidep ngaliwat kapalebah batu anu lempar itu, kade
tong nganganggu rahayat kaula nya” ceuk manehna bari nyerengeh seuri. “naha
nganganggu kumaha kitu?” tanya kuring sakali deui. “nya sing rencepwe
leumpangna, ulah kawas tadi... tuh barudak kuring mani paburisat kitu ningali
hidep” ceuk eta jurig bari ngiles, dituturkeun ku sora anjing anu babaung
tikajauhan.
Meunang
sakedapanmah kuring ngahuleng ngaraga meneng, ambek nyedek tanaga midek ka eta
jurig, “emh, singhoreng benerwe geuning rupa kuringteh goreng patut. Panteswe
kuringteh nganukur ditolak-jeung ditolak ku awewe, da geuning tong bororaah
jelema, dalah jurig oge sieuneun kurupa kuringteh.. he he” ceuk kuring bari
neruskeun perjalanan.
Tidak ada komentar:
Posting Komentar