KIHENDRA HAMO CANGCAYA

milik diri-bagja awak,

meureun ieu anu kudu karandapan,

kuringmah ngan ukur bisa sumerah,

sabab taya

daya jeung upaya,

cimata anu jadi saksina,

basa hate jumerit kanu maha kawasa,

tumarima kanu qodar-Na,

kokojayan dinu sagara katunggaraan.

emh,

nyakseni pisan abditeh, Gusti….

teudaya-teu upaya hirup abdi di alam dunya,

anging ngantosan karidhoannana Gusti..

soksanaos ati peurih-hate rajet,

abdi percanten kanu kanyaah Gusti,

moal samata-mata Gusti ngalungsurkeun cai soca,

lamun teudisampurnakeun kulungsurna rasa kabagja,

hamo samata-mata Gusti ngadongkapkeun rasa kanyeri,

lamun teudisampurnakeun kudongkapna rasa kasuka.

kokocoran rasa kanyeri,

kokocoran rasa kabagja,

moal ngaburial tinu tampian hate abdi,

saupami hamo  ngamuara kanu ridhona Pangersa

milik diri-bagja awak,

abdimah mungsaukur mahluk-Na,

sagala nukarandapan,

pamulas hirup bari nungguan adzalna.