biasanamah,
mun seungit bulan romadhon geus ka
angseu,
kuring sok mulang nepungan indung
jeung bapa,
menta dihampura
sangkan bisa khusu
dinu puasana.
tah didinya,
di palebah panto pager anu eta,
bapa sok nyambat kuparoman raray anu
marahmay,
bangun anu ngarasa gumbira bisa
ningali deui anakna….
ayeunamah,
basa balikteh suwung teu aya anu
nyambat deui,
sabab bapa anu salamina satia
nungguan dipalebah panto pager eta,
parantos mulang nepangan
panggerannana.
tah didinya,
dinu korsi ukir anu beureum
buludruna,
ema sok galecok naroskeun betah jeung
henteuna di pangumbaraan,
bangun anu ngarasa sieun kuring hirup
sangsara di lembur batur.
ayeunamah,
korsi ukir anu beureum buludrunateh
asa teu hegar katingalina,
sabab ema anu sering calik dinu korsi
eta,
parantos diangkir linggih deui ku
Gusti anu maha suci…
emh,
ema…
ieu hendra ema….
ngadeg di payuneun kuburan ema,
palay tepang sareng ema,
palay ningali deui raray ema,
palay ngadangu deui suanten ema…
bapa…
ieu hendra pa…
ngadeg dipayuneun kuburan bapa…
palay disambat deui ku bapa….
Tidak ada komentar:
Posting Komentar