KIHENDRA NGUMBARA

basa layung nyumput dinu poekna peuting,

dipapag ku bulan sapotong anu kurang bengras cahayana,

nyaangan lengkah

anu lumampah ningalkeun lembur,

utag-atog bari jeung tidadalagor sangkan bisa mopohokeun diri manehna.

emh…..

karasa ayeunamah pait peuheurna hirup dipangumbaraanteh,

cukleuk leuweung-cukleuk lamping,

jauh kasintung kalapa,

lieuk euweuh – lieuk lain,

teuboga batur pikeun pakukumaha.

Gustiiiii….

rumaos abditeh lepat,

niat diri hoyong ngejat tinu dipikacinta,

singhoreng simana horeng,

malah langkung nyeri karaosna.

kapeurih ati basa asih henteu kapatri,

tunggara rasa basa cinta teu ditarima,

jadi pangjurung pikeun ngumbara,

sangkan teugering salalawasna.

emh,

pileuleuyan geulis,

sapu nyere pegat simpay,

akangmah mungsaukur tiasa ngawiat do’a

kangge kabagjaan salira salalawasna.

nuuuhun….