KIHENDRA MAPATAHAN ANAKNA

Kasep, anak bapak,

Sok sanajan

ceuk baturmah hidepteh goreng patut,

Tapi keun wae ah,

Da ceuk bapakmah hidepteh kasep pisan...

Geura cengkat, kasep

Ulah kamalinaan teuing ngumbar kanyeriteh,

Bisi tigubrus kanu jurang kaputus asaan

Eta cenah hidep kamari ditolak ku hiji wanoja,

Keun weh da meureun geus kitu kuduna,

Kapan ceuk aki hidep oge geuning baheula,

Teng manuk teng-anak merak kukuncungan,

Uyahmah tara tees kaluhur,

Lamun hidep kamari ditolak cinta kuhiji wanoja,

Nya panteswe da dinu urusan ditolak cintamah,

Bapakteh bisa disebut jagona...

Tapi.....

Ditolakna cinta bapak waktu harita,

Nyerina ieu hate basa ditinggalkeun ku urut kabogoh bapa,

Dijejeleh jeung disapirakeun pedah goreng patut jeung teu boga harta,

Sing horeng simana horeng,

Etateh mangrupakeun jalan anu lempeng,

Pikeun paamprok reujeung indung hidep..