Nyawa,
Nu
ngeusian raga kaula,
Tingali
tuh kolot-kolot andika,
Anu
baheula aya terus ayeuna teu aya,
Tingali
tuh babaturan andika,
Anu baheula
aya terus ayeuna teu aya,
Tingali
oge tuh jalma-jalma anu sahandapeun andika,
Geuning
bisa miheulaan andika nepungan Panggerannana.
Niti wanci
nu mustari,
Nincak mangsa
nu sampurna,
Papasten
Gusti Yang Widi,
Nyawa ningalkeun
ragana,
Raga pinanggih
jeung pati
Nya adzal
pingaraneunnana.
Sarua..
pasti sarua,
Salakuning
mahluk anu di eusian ku nyawa,
Tinangtu
moal aya bedana,
Malakal
maut pasti pasti datang megatkeun nyawa reujeung ragana,
Kaasup ka
anjeun reujeung kaula
Nyawa,
Anu ngeusian
raga kaula,
Poma anjeun
ulah wani-wani ningalkeun kaula,
Saacan anjuen
ngucapkeun dua kalimah,
Anu bisa
mukakeun panto kabagjaan anjeun salalawasna....
Kaula anu
asal ti alam,
Bakal balik
deui ngajadi alam,
Sedeng andika
anu kawit ti Gusti,
Mugia tiasa
wangsul deui ka payuneun Gusti.
Aamiin.....
Tidak ada komentar:
Posting Komentar