KIHENDRA KASURUPAN

aki,

pangapunten,

sanes incu teu tumut ka aki,

ieumah

bilih janten balitungan sareng Panggeran urang sadaya,

kapaksa keris anu janten pawaris ti aki,

ku incu dipiteskeun kangge kasalametan dunya-akheratna aki.

eyang,

hampura incuteh eyang,

sanes teusatia kanu piwuruk ti eyang,

ieumah inggis kubisi-rempan kusugan incu tebih tinu deudeuhna Gusti,

ieu kujangteh kapaksa diancurkeun ku incu,

supados lempeng jalan eyang nuju kapayuneun Panggeran urang sadaya.

Hatur nuhun kanu kadeudeuh aki ka incu,

Nanging incu langkung deudeuh ka aki,

Dipayuneun anu maha kawasamah,

Anging iman sareng kahadean,

Anu janten elmu utama kangge urang sadaya...

Tos bosen incuteh nuangan pais dedemit,

Murak kunti, ngamomoyan buta,

Incumah palay katuangan anu raos aki...

Cageur-bageur-bener-singer-jeung pinter,

Tah eta katuangan anu dipikapalay ku incuteh...

Kangge naon incu tiasa ngaratakeun gunung,

Tapi ieu soca teutiasa muka saupami ngadangu adzan subuh,

Kangge naon incu tiasa lumpat dinu luhureun sagara,

Tapi teutiasa ngejat tinu awuhan doraka kanu maha kawasa...