Nyawa,
Anu ngeusian
awak kaula,
Jeung anjeun
kaula ngalalana di alam marcapada ieu,
Mawa gembolan
anu teu pinuh-pinuh,
Sok sanajan putak-petik
kanu sagalaning rupa kahuripan,
Tapi kadang-kala
ragrag deui kulantaran hirup milampah maksiat...
Sing eling
anjeunteh, Nyawa...
Tuh lawang
saketeng lembur tempat urang hirup salalawasna,
Geus katempo
jeung kaambeu kumaha bauna,
Nya teu era anjeun,
Lamun engke diangkir
linggih kunu maha suci,
Sedeng awak anjeun
bobolokot ku dosa saperti kieu ?
Emh,
Nyawa anu
ngeusian awak kaula,
Poma anjeun ulah
ningalkeun kaula,
Saacan anjeun
ngucapkeun jeung ngayakinkeun,
Bari keyeng
ngalaksanakeun,
Dua kalimah anu
taya tandingannana,
Konci
kasalametan dunya,
Jeung konci
kasalametan akheratna...
Tidak ada komentar:
Posting Komentar