Gusti,
Leres pisan
geuning,
Ditinggal
maot
ku indung sinareng bapateh lir ibarat pegat pangharepan,
Cukleuk
leuweung-cukleuk lamping,
Taya burueun deui
saupami wangsul ka lembur.
Kapungkurmah,
Tah didinya,
Di panto pager
anu tinu awi eta,
Bapak sok ngadeg
ngabageankeun kuring,
Gumbira pedah ningali
anakna datang nepungan deui,
Emh,
Ayeunamah panto
pager awiteh tos digentos ku beusi,
Jiga anu ngahaja
hayang ngabejaan ka kuring,
Yen bapateh tos teutiasa
ngadeg deui ditempat eta,
Tah didinya,
Dinu korsi
beureum eta,
Ema sok calik
bari mapatahan kuring,
Jiga anu keur
mapatahan budak leutik anu teunyaho kanu naon-naon,
Emh,
Ayeunamah,
Korsi beureumteh
katingali kuleuheu pisan,
Alum sabab tara
dicalikan deui kuanjeuna,
Jiga anu hayang
ngabejaan kakuring,
Yen tos teuaya
deui kecap barokah tinu jadi indung.
Keur kuring,
Anakna,
Anu hayang
amprok deui reujeung maranehna....
Tidak ada komentar:
Posting Komentar